Fish's Wonderland: 12月 2010

2010年12月29日星期三

婚紗敬酒迎賓

見你地呢排Post 咁多WG 同 EG 出黎..我都搵你地幫下眼先~~~~

我果時趕住要book..一間都無試過就落訂...行左金巴利道2次..都只係睇中Crown..果日又趕時間..問左$就走左喇... 肥仔都要我confirm Crown 架 (因為佢鐘意Crown) 不過諗左好耐..都係著一晚..唔想用萬幾蚊黎租WG+EG..褂同埋禮服.

咁諗住去埋金都"睇下".無先再番去Crown, 見門口呢件都幾閃....我都覺得OK,(當然無crown 咁靚啦)...入去問問下...咁就比佢地tum 到喇... = =" 係呀..我真係好易tum...所以我無"叮一聲"架~~~果時咩都唔識....不過既然係自己揀既..唔可以怨架喇~~

之後去揀第一次衫.. confirm 左4件.... (送客果件無post出黎..唔太鐘意..希望遅D有新款) 全部都係結婚前可以再轉多次款~都未同佢地講要轉日子...希望 6/12有期啦...

我對WG + EG 既要求唔係好高架咋..唔太老土(leung), 唔樣衰.我就OK架喇~~

JM你地睇過咁多...幫下眼丫? 會唔會"好金都" <--其實我都唔知點為止好"金都" ..係唔係即係"Leung"?

呢件WG都幾閃架..不過影相好似唔多覺
(原本鐘意另一件拖尾多架..不過上身唔好睇)

最鐘意紅色呢件...用黎敬酒既.. 好擔心呢件6/12月會無期..
(個Girdle都唔係好岩..要買果個, 我估會個zone位會好D)

藍色呢件迎賓,有金黃色架..我諗諗下都想轉黃色~
不過都會等下佢有咩新款

FROM 315 TO 126

日子改左喇...聽日會同酒店講..不過番HK Sign 埋contract 先叫真係"Confirmed" 不過已經忍唔住要講比你地知喇 + 已經改晒我係blog D日期lu~~

OH..你地大部份應該都知我點解要改期架喇....
希望她的痛楚減輕及神跡出現~

改左日子無話特別開心or 唔開心..今年既經歷..
由肥仔求婚同去北京, 好有野都好似已經默默為我地安排好去做..
令我更相信 "上帝早已預備"...
同埋如果依舊3月結婚...肥仔做野果到既concern,就可能仲無咁flexible~

再講...多d 時間比我攪我至想攪既DIY..可以再發下癲,諗多D野...
同埋我都鐘意12月~~好有溫馨既感覺...

呢家就係希望我果日唔會太多人結婚..(平日會好D掛)
希望酒席唔洗+$啦,同埋book 左果d WG, 證婚 & DECO 果D 126都有期啦..
唔係就煩喇...

I LIKE 126 ~~ is a combination of Kwong Birth date + My Birth date~ "12+26"

仲有!!最緊要你...我同你地....可以癲到年尾喇~~~嘩哈哈哈~~~

2010年12月27日星期一

~我可以幫到大家手~

小魚係Graphic Designer + Visual Merchandiser..

為自己婚禮準備既時候..發現好多JM都有好多Ideas...反而未必想要搵人幫佢地design...但有時因為唔識用software..諗到未必做到..既然我識..我可以幫下你地...

由其是Logo..有D JM有左自己既Wedding Logo之後..無好好利用.真係好waste呀..
尤其係你地自己design 果D...我可以幫你地將你地既LOGO apply去唔同野到...
例如: 襟章, Wedding Photos, 鋼印, 貼紙, 印章... Anything U Wanna Apply Onto....

我都可以幫你地做埋你地要既"OUTPUT files" (=拎出去比人做既file)

或者你自己諗到個logo.. 畫左係紙..想轉電腦format...etc
諗到咩即管開聲啦~~ 當然我都可以幫你地Design啦~~

*Logo Design (Wedding Logo Samples)

*PRODUCE a piece work from your ideas.
(Please provide REFs / hand drawing)

*DESIGN any item you could think of. (Other Wedding Design)
e.g. sign cloth, invitation cards, layout, welcome board, Cartoon characher...etc

我係為幫補下家計...唔係想搵大家大$ 架~~
我都係B2B, 好明白結婚想慳..但又想攪到靚一靚既心態呀~~

OUR 7th CHRISTMAS~~

好似一張xmas card ar~

~~第7個聖誕 & 我地7週年既日子~~
~~我地去左滑雪呀~~

北京仲未有雪落呀...我地去呢個係人做雪場..D雪都幾真架...好夠喇~~

我咁大個女第一次滑雪咋~~肥仔好細個果時係日本滑過一次..不過佢都係唔識滑...2個哎晒救..笑死....我地用我地自己方法玩下玩下咁..又細膽..不過又勇於嘗試... 膽粗粗上左個山坡仔...2個都成功滑左落黎~~yeah~~

之後又玩座水泡..比人吊上去...再飛落黎~~
同埋上左去最高最高果到玩滑車...我太細膽喇...慢到嘔...阻住後面成村人...包括肥仔~~hahaaha

呢個聖誕無xmas party...但都真係超開心喇~~之前仲諗住係北京會過一個平平無奇既xmas架咋~

但真係好凍到呀...我著到種晒咁~(我唔想再病喇)... 我地對手拎出黎照相都要拿拿林收番埋..肥仔仲要凍傷左少少..好在呢家無事咋....

玩左成日...成個人"散晒"~買野番屋企打邊lo with red wine~~ 慢慢食..Very relazing...I didnt like 邊lo at home much before.may b coz its cold here~~ i enjoy 邊lo at home here with my fat boy~~^^

2010年12月24日星期五

平安夜生的Babies~~

見過好多blogger 都有玩唔同既類似software....
之前都有玩過一個..但load唔到~同埋比較假...但呢個都幾得意~~

等緊肥仔收工既平安夜..我就"生"左佢2個出黎喇~~ 因為肥仔帶眼鏡..Morph左出黎既babies 都係四眼架... wahhaha

我想睇下我d babies 唔帶眼鏡係點..唯有用"photoshop"啦~~~

我個aaron 好靚仔呀~~ (識我既fd 都知.如果我第時有個仔..英文名係一定會叫"AARON"~I m serious~) 我個女好肥du du 呀~~~~hehe

http://www.morphthing.com/

2010年12月22日星期三

努力地...淘

淘寶達人...無啦啦多個朵..其實我都唔係真係好誇張架咋...
我都係想做番"根本夜" XDD

仲有一個星期多就番HK..好努力地淘.......
下個星期應該好多野"收".又幫亞媽淘左d 水松板for公司..我抵呀.不過運費貴左d.,$65. 但實有成7塊唔同size大大細細既水松板..total 都係RMB $227~~亞媽話HK買塊大既都要一舊水..

上星期諗住淘支glue gun 用下..點知end up 買左一堆未知有無用既野番黎~~唔抵得佢咁平丫嘛...$1.5一卷絲帶..我買果時都以為係剪d比我..原本真係成卷..金色果卷成卷先$4.5..唔買對唔住自己... haha

2010年12月19日星期日

唔好意思....

實在大多果D廣告同埋junk messages 喇.... 呢家決定都係私有化...
請留言add 我啦~~謝謝~~~

2010年12月16日星期四

DO PLAY WITH YOUR FOOD

哈哈..其實你地覺得我好得閒正咁多野...
不過我番工其實都係做呢D野..諗idea...執相....正model..做手工
雖然唔係好勁or sense特別好既Designer..
做呢行搵$又唔多...一街都係Designers...
要top果D先搵得多$...

不過我覺得可以將自己既興趣變成職業.其實都好開心,好ENJOY~

今晚食食下餅..又發癲...正埋D無用既無聊野~~
BUT I LIKE THE PIC~~~

就係食緊呢罐Waton's買既餅喇..
貪個罐得意,原來係字母餅~N年無食過喇~

Welcome Board

呢幅野....正左好耐..諗過拎去print 大相..再買個靚frame...定係當細細個放係相簿area..最後都係send 去正埋水晶相架唔洗煩 (因為有相要晒..呢到出面晒相貴好多)

等左個幾星期....點知黎到....激死我...

你地睇下有咩唔到...圖1係我做既稿(白邊都係相既一部份)...圖2係佢地做左出黎既..
我已經提左佢地唔好cut 我個圖..照出...出到黎..花都cut埋..左右2邊唔對稱...(如果佢係cut左我白色個d位..我都由佢..有咩理由..花都cut 埋..

其實我都諗住算..肥仔話其實都OK..唔太覺眼..不過愈睇愈唔順眼..
我諗我唔多唔少都有designer既執著....

同佢地講番...佢地話我size錯...我就開始火都黎埋...之後又懶係因為出血位問題先會咁..我問佢你知唔知出血位係用黎做咩架.....同我講果個根本唔識野....攪左一輪...先話再正個新既比我...希望唔好再錯~~~

其實水晶相架既 Quility 都係我屋企附近果間好D架...價$又一樣..所以下次都係拎番去果間正喇~~同埋問下佢地會唔會送去香港..咁第時你地都可以搵佢地做~~
(我見呢到一般既晒相店都有呢d水晶相架..唔係貴架..quility 真係我估間間唔同喇)

同埋呢個係掛架....仲要諗Method 企起佢...諗緊搵果d..細既"浪"相架...

2010年12月14日星期二

LOVE CUBES

LOVE CUBES 呢個名係我自己改架..哈哈~~我覺得改左名之後..
呢幾舊野即刻型左D~~~

原本諗住正幾個方盒仔..好易好簡單...點知痴到我死死下..
個size 又改過2次..因為D相size 唔岩.. (又要講..好掛住我屋企既printer >.< )
呢到晒相又唔平...又怕d quility 唔好..

肥仔同亞媽見到..第一樣野就係問我點拎番HK..
Kekeke..我正個盒之前度過個"o急"架....放得入去..無問題~~

有一面有我地既wedding logo 架..無影到tim~~~

呢家仲嫌佢Plain 左小小..會再諗下加d咩detail or deco 上去~~~

其實頂果到想正d花上去..不過呢家正左拎到番Hk一定扁晒..都係番去先正~~

屋企D紙皮比我用晒lu~~~ XDD

近睇個邊有D D 膠水漬架.. >. < 已經好小心架喇~~~同埋好多位都痴得唔好~
不過過到我自己果關啦~~都開心架喇~~

2010年12月13日星期一

救命呀~~

救命呀~~救命呀~~救命呀~~救命呀~~

你地知唔知有咩反牆software 係大陸用係stable d 架...

我成上唔到facebook 呀 >.< 呢家係上到1日..1日又上唔到..

2010年12月10日星期五

估下係咩

睇下個紙袋同個package, 大家估下我我買左D咩~??

過幾日開估~~~~
haha 咁快估中就開估啦...

我唔係特別鐘意食cupcakes..不過成日都比佢地既靚樣吸引..
不過估唔到呢間咁樣pack 法...更加鍾意~~
(但我拎番黎果時...唔小心跌左佢地一下... >.<
攪到D cream 成盒都係...想留番個盒都唔得~)

2010年12月9日星期四

Wedding Logo 印章

太好喇~~~ 估唔咁快~~~前日下晝訂..今日就送到喇~~
本來係正大個款logo架~但問左好多間都話做唔到線條咁幼...又話太難..有間話做到..但要200蚊個..

所以問問下..都係問呢個....D線條簡單D~不過都開頭幾間都話做唔到..問到都有D灰...點知呢間又好輕易話無問題..只係怕果幾粒點點做唔到..我話如果唔得就唔要..佢都話幫我盡做..出黎做到晒..仲送埋個泥印比我...太好喇~

我番HK可以用我D embossing power 玩好多effect 喇~~~

$40一個咋~~好抵~~
http://item.taobao.com/item.htm?id=7612086394

2010年12月8日星期三

L O V E 字粒

之前做左2個大字 ..J同K, 係淘寶買左D金粉又到左..諗住正個細字做testing..睇下痴左出黎效果係點...正正下..正左4個細野...諗住如果正出黎OK既話..可以放埋係相簿區 or reception..

之前係Taobao買左D金粉,未送黎果時都怕會太大粒..好"leung"
點知呢隻金粉又唔差喎..好閃好幼...仲要好平...我痴得唔係好靚..但出黎既效果我都好滿意架喇~~ ^^

講埋買金鈖...一包仔先$2.5 咋..好抵...我見其他果D細細包都$10幾蚊~
之前JK果兩粒字係諗住用白色閃金粉的.(另外都買左包紅色)...點知佢比左銀色我.. (我買果時已經特登問有無白色) 送到黎係銀色即刻唔開心..諗死佢地實唔會換比我...點知又好好喎..佢地無白色閃粉...幫我搵左包夜光既..都係白色閃閃地...問我岩唔岩..(我諗好過銀色啦..可以試下).佢話今日即刻發貨比我..跟住我話寄番D銀色金粉比佢都話送比我..果到都成7包架~~ (見我無online 都打過電話過黎講話幫我搵到包夜光,叫我上網send 相比我睇下岩唔岩用~~)

所以如果你地要買金粉同文具...都可以去睇下~~~
http://item.taobao.com/item.htm?id=8587779494