DIY 好介紹- Fabric Tape

之前無正簽名筆經驗..完全唔知點正~so "開房"果時, 拎晒d DIY materials 去比佢地教我正~因為唔知有d 咩要, 咩都拎晒去, 點知有卷布料膠紙..個個都話正簽名筆好好~~

平時佢地要將雙面膠紙貼上絲帶到, 再卷上支筆~~但好易甩好麻煩~
我布料呢卷膠就唔會, 一貼就得~佢地話勁好..

其實呢卷野..我係"格仔鋪"見到隻色岩..又咁平 $10, 買左先..都無諗過用黎做咩~
之後我都見淘寶都有架. 都係差唔多價$~ 咁係HK仲抵D~

我番轉頭想幫其他JM買多幾卷,都無晒lu~~ 得番D 肉酸Pattern~~

點知今日比我係LOG ON 見到.. 原來我買果d 係"A貨"...呢d 先係正貨, 因為連個packing 都好似~係貴D, $30, 但係大卷起馬一倍~ 仲有好多靚pattern 揀~~~~

如果要正簽名筆既JM, 不仿買卷用下啦...一卷可以正好多支架喇~

仲有一個星期

仲有一個星期就3個月喇~~~  (寫定到下星期先post 出黎~ kekeke )

真係好心急呀~好想講晒比全部朋友知呀~

雖然我已經漏左好多口風~身邊好朋友都已經知~ (其實好多都估到)
開頭真係忍唔住,之後多左人知, 亞媽就叫我唔好再講喇,由得佢地估wor. .遲早都知) 

不過真係好感動..知道我有左Baby 既朋友每次出街都對我百般照顧

真係好warm 好感動,由其係我地根本家族既成員~~~

要講一講我2個月前點發現~嘻~~~

其實M 遲黎左7日都無咩..仲等緊, 因為係北京番黎~
life style 唔同左, 我M遲係好正常~之前遲10日都仲試過..不以為意~

但今次"谷經特別犀利"平時我谷經係好少會胸口脹痛~~
口血來潮..上網check 下懷孕徵象...原來同谷經&作感冒好似..
(我前2日都以為自己作感冒,仲食左感冒藥)

第2日買左支驗孕棒一驗即有double bar, 盒野話要10秒睇result~我1秒就有喇~
果時心情好奇怪..又驚又喜..勁心跳,手都震埋~~有幾秒想喊出黎(到呢家都唔知係開心定係suprise 得濟先會想喊)

之後同左亞媽& bf 講..亞媽反應好平淡,bf 勁問"點解既點解既"..我反問番佢"你話呢?" 哈哈~~之後bf 勁send message 比我話佢好開心~^^其實我都係~~

夜晚同我好姊妹食飯~佢suggest 我買另一支Brand 再驗一次~

第2日朝早驗左都係double bar, 不過淺色D~
之後本來都係約左睇中醫, 咩都無講, 個中醫一打脈就話我有左~好勁呀~~

知道自己有左, 感覺好唔實左,因為我同平時無咩分別~

過幾日去左睇婦科..照超身波~我之前驗查都見過好多次果個"畫面"..今次真係唔同左~中間見到有粒豆咁既野...好感動.又係想喊..hehe 當然忍得住啦~

問埋醫生我之前食過頭痛藥會唔會有影響..因為之前以為作感冒,食過一次.
醫生話無問題, 開左d 葉酸比我, 叫我3星期後再睇~~

跟住就開始要決定改婚期喇~~改早d 都開心~因為我都想快d 攪惦 結婚d 野~~實左太多轉變喇呢年半~~

不過有幾個"巧合"..我呢家無做野~我又番左黎HK (如果係北京知有Baby, 都唔知點好)上次咁岩又無啦啦係Hk洗牙,補晒d 牙先番北京 (仲係我無啦啦醒起去check 牙, 因為太貴,我仲補淨2隻, 比mum 話我叫我補埋) ....呢家有Baby係唔正得牙架, 要正都好麻煩~~

~感覺就係神已經一早為我安排左Baby既出現~

 ~實左感恩~  

Invitation card II

一直都係用單面珍珠紙...但發現左一樣野...就係珍珠紙面唔吸印台..出黎會blur D同D 色會花左...無意中唔小心反轉左黎用..(另一面係普通紙面..無珍珠面的)....d 線勁清楚.

攪到心大心細..用唔用另一面 instead, 而且同一個印台..出黎既colour 都會深色D...

我自己就想要淺色D 果個色~~同埋始終都係唔想waste 左珍珠果面..所以決定如果印錯左先用另一面, 又唔洗waste..

襟章

因為之前的襟章印有日期....唯有想辨法"遮住"佢

所以用痴上閃石同珍珠...看起來....硬係怪怪的..
希望成個成品完成後不會太怪吧~

好多Blogger 都為yahoo blog update 而煩惱!!

十分支持呀!!新update 如果係好既.我地當然唔會反對啦...但攪到我地既blogger list 亂晒..真係好唔惦....無左個圈子! 條link 又唔同晒...人地save 左d 有用既blogger link 入favourite.. 如果個blogger update 左新version, 又會搵唔番果篇blog~!! 

仲有就係我好唔捨得D counter.. 我成日都有睇架...
倒數幾多日到大日子..同埋幾多日見到我BF~~所以都唔想update 住....

YAHOO 你地攪到我地好煩呀!!!!!!!


有Blogger 決定集合我地既力量... 請大家一齊支持!!

"為了保障自己的產業（那是我嘔心瀝血的文章，是我的寶貝來的），

如期停滯於此自願自艾，倒不如姐姐妹妹站起來。現想集合大家的力量，

每人寫封信比 Yahoo!Blog 的技術支援部，強烈反對升級服務。

e-mail也可以選擇升與不升，為何Yahoo!Blog 一定要逼我們升級呢！

升了又不是好用過人wow！ 而且也要重新設定全部的BLOG友，

其工程多麻煩呢？為了鼓勵大家，我稍後也會擬寫投訴信給Yahoo!Blog ，

讓更多人可以為自己的Blog爭取更好的。我們又不是要什麼，我們只想安於現狀，

什麼也不想改變罷了。希望大家也可以支持爭取！ 加油！"