淘車車

其實中間無諗過係淘寶買野比亞皇, 因為擔心質量問題~~

但後來發現..原來fisher price 係淘寶真係平好多!!!

我之前買比亞皇既床玲買貴左好多呀!!!

又見到好多媽媽同blogger 都係淘比BB ~我就開始淘BB 野喇~~

幾年前之前未有Baby, 去朋友baby 既生日party, 見到一架木車仔, 好鐘意~~

比我係淘寶見到差唔多既, 仲要都幾靚同公仔都好得意~~

最重要係.. 只係RMB57!!! 有d 會成RMB 9x, 經過旺旺問過幾間.. 發現正品既都只係RMB 5x 蚊!!

但運番香港要RMB80!!

再問下size同重量..原本都唔係好重同好大盒~~(中間問左好多次..因為怕太大盒運左去老公到拎上機好煩)

(我果個o個盒唔係圖中既彩盒~~ 只係紙皮盒)

之後老公拎左番黎~~開心死我~~好靚呀~~~ 亞皇未識行, 自己唔識玩住, 但扶住佢推住車車, 佢都笑晒咁好開心~~

抵到飛起~~我最開心~~~ hahaha

淘地墊~

成日都係寫亞皇既野~~得閒都寫下其他野, share 下~~

基本上識左淘野之後..都無咩點停過落黎~~

呢家老公一個月番一次, 佢更加成為我既集運~ 因為運去北京平D~~

淘寶既野都唔係好等住要用既~所以 咩都運晒比佢之後等佢拎番黎比我~~

但大舊既就直接運香港..唔洗為左幾廿蚊拎餐死..

呢家淘野大部份都係淘比亞皇~~

近排就淘左一堆地墊比亞皇係屋企爬~~

因為個廳大, 要鋪晒都要好多張, 如果係香港買就會好貴...香港買成百幾蚊得果幾塊~

而且見其他媽媽都係淘番黎..我估都唔怕既~~~

TOTAL 買左125 塊..預多左少少~~ 同埋都預佢唔係塊塊ok~

因為太多款喇..揀既時候都3 心2意~~自己想素色D~~ 但for baby 又覺比佢地colourful D 好d~~

揀黎揀去~~睇黎睇去~~~又問埋老公~~

卒之都係揀番數字同埋字母..跟住見到波點又勁鐘意~~忍唔住買多廿塊(好在買左..之後講點解)

收到之後, 本來諗住鋪大半個廳~~但仲有好多傢俱未搬, 諗住會搬走..(玻璃茶機太危險)
所以只鋪左一半到既廳~~影相出黎好似好大..其實爬2爬已經出左去~~

點知佢又成日爬去焚d DVD 機~~我就鋪埋則邊, 點知有字果d 中間有shape, 打直企唔穩的~~好在買左波點~~
本來波點諗住鋪第2度的~~~

一結婚週年紀念~~~

結婚週年紀念日~~~老公當然都唔係香港啦~~仲要咩都無做~~~完全唔記得咁!!真係有少少嬲~~~


不過佢一個人搵$ 咁辛苦, 我都會體諒下既~~

過2日收到佢紮花...係人都會以為佢補飛啦~~~

但佢既"藉口" .. 我選擇信佢啦~~~ 起馬自己開心d~~~

同埋如果佢係補飛, 我深信佢會直接同我講佢係補飛Law..

嫁左一個唔知情識趣既老公.. 都唔知係好事定係壞事.. =.=

希望以後既結婚週年紀念都可以一齊過啦~~~


一個星期後佢番左黎HK , 我地一家人上左山頂佢求婚果間餐廳食飯~~好開心~~~
但其實唔係plan 架, 上到去行下都唔知食咩就揀左呢間~~就當係補番結婚週年紀念果餐啦~~

亞皇: 呢間呢間



呢紮花係同結婚果日佢suprise me 果紮一樣架`~~!! (仲以為佢特登揀番呢款, 原來又有其他原因
Agnes b  D花真係好襟擺~~放到老公番黎~~total 放左成2個星期架~~

  

 

亞皇8個月!!

時間過得太太~~~~ 快喇~~~估唔到我已經2個月無update 呢個blog 喇~~~
亞皇契媽同我講, 你好耐無update 喇~ 原來都仲有fans 架呢個blog~~

我會努力多d update 架喇~~因為我都想記低多D 自己同亞B 既野~~~有無人睇都好啦~~~

今日亞皇8個月喇~~睇番佢6個月我寫既Blog~~~ 亞皇已經識多左好多野喇~~~

--佢呢家已經識爬..本來係第仔比佢, 佢手仔自己識扶我地手起身企係到~
  岩岩上星期識自己爬床邊企起身( 朝早第一次企係床到叫我果時, 我嚇左一跳)

--仲有第8隻牙仔都出左一半喇~~~7個月已經有8隻牙~~個個都話佢犀利~~~

--仲有一晚, 無啦啦叫佢"請請" (恭喜手勢), 佢即刻做~(我一向有捉佢隻手教佢)~
  我地係咁叫佢"請請'.. 攪到我地鬼咁開心, 連爸爸都係視像睇到~~
  點知只有一晚~之後勁叫佢做都唔做, 只會無啦啦自己"請請"`~~激死人~~

--跌落地! 2 次!!
  一次係from sofa, 一次係frm bed~~真係心都跳埋出黎ga~~ 勁自責~~!
  第一次發生之後同自己講唔會比同樣時再發生~!!點知都係...
  開頭唔敢講比老公知, 之後都係講左~~ :P  仲要勁強調, 人地個個B 都有跌過~~(佢笑住叫我唔洗特登同佢講~~ XD)

--仲有6個月去studio 影既相~終於到手喇~~ 影左唔係好多~但都好多~~影果時BB 勁扭計, 又要比佢訓陣, 又比佢食星星餅~又要飲奶`~
  比佢激死~果時又未識自己座得好穩, 我叫佢地盡多影多d 一家三口多D~因為我地少影一家三口相~~本來包3個造型~之後我地都影夠就無影埋最尾果個了~~
  但即時睇相都覺得OK~好開心~比我想像之中影得好靚~~因為係平既, 我都唔expect 一定影得好, 當玩下~

--食粥仔都食左2個月喇~~ 都叫食得OK.. 之前4個月食過2 次糊仔, 食到, 今次一食就食粥仔喇~~ 佢都算叻叻~~肯食好多, 好快已經一日食2餐喇~~
  因為佢真係超為食~有時怕佢食太多餅餅無胃口食粥~~但都ok~反而食左粥之後飲奶差左, 次次都飲得3安左右~~跟住亞媽汁左D 開奶茶番黎比佢飲左2次之後就OK 喇~之後飲奶正常番喇~

-用手指仔自己食星星餅~~之前佢拎得起, 但唔識自己打開手放入口..無啦啦有一日婆婆 又比佢食, 見到佢識打開手放入口真係好驚喜~~


~撲奶粉驚雲~
因為停左人奶, 奶粉去得好快~ 之前都未試過要撲奶粉~~仲以為唔係人地講到咁難買~
點知有次食到得番半罐果時真係好驚~~係百佳比我要埋最後一罐400g, 周圍去問藥房, mannings, watons,問朋友.. 
最後再上官方到訂(貴成$30罐) 奶粉先無咁驚

 

仲有幾日 亞皇就六個月喇~!

又差唔多時候up 下亞皇呢個月有咩進步喇~~~今個月覺得佢大得特別快咁~~

• 最開心係佢耐唔耐都會叫" 媽呀" .. 有次仲叫"媽媽".. 不過次次都係扭計時先叫.. 有時佢扭計 特登唔理佢住,等我聽到佢叫媽, 先走過去..keke (呢個媽媽係唔係好衰呢)
• 之前4個月都食過1.2 次糊仔, 亞皇都食到, 所以唔再比佢食糊仔喇,就開始左食粥仔喇~ (因為姑娘叫我唔好太早比固體食物佢住, so 之前食左幾次糊仔就停左),
  媽媽自己正比亞皇食, 亞皇好鐘意食,食到一大碗, 媽媽就更有心機正喇~~~  (亞婆買埋d 貴成2-3倍既有機南瓜, 有機Apple 比亞皇, 亞皇真係巴閉)
  
  同埋亞皇食唔晒既粥仔, 我食晚洗野之前會食埋佢, 我自己都覺得好味...hehehe
• 勁食牙仔餅...其實3個幾月出牙仔, 4個幾月已經比佢食牙仔餅, 但牙仔餅寫住比6個月bb 食, 果時都唔敢比咁多, 呢家接近6個月, 就比得大膽D, 次次出街都比佢食喇~
  仲開始買好多佢可以食既零食 e.g. 星星餅
• 反身反到傻左, 一反夜反, 反到嘔奶...有時反完又反唔到轉頭, 係到叫救命.. 同埋反得好快, 地下一大張play mat , 之前以為好safe, 轉個頭已經look 左出介..撞到頭..以後唔係睇住佢都係放反係床喇
• 呢2日自己開始座到喇...不過座座下會跌...但距離佢自己識座又一大步啦~
• 仲有之前係toyr'us 買左個Jumper, 亞婆覺得唔太安全, 拎左去換~攪左咁耐, 卒之換左另一款我地都覺得安全好多既Jumper 番黎喇,
  呢家亞皇日彈夜彈, 彈得好過引~
• 網床, Jumper + Play Mat ~今個月開始, 成個廳都係亞往架喇~~
• 呢2個星期, 亞皇仲多左好多野講, 成日係到叫, 玩得好high~~好開心~~

關於我自己:

呢2個月開始成日自己帶亞皇出街, 有時真係覺得自己勁~
因為我有時仲要拎好多野+車仔~~~ 上落車就會單手抱亞皇, 右手拎車~ 耐唔耐都有人見到都會幫我, 不過多數都會自己攪惦, 有時人地想幫我都已經攪惦, D人都會話我呢個媽媽咁犀利~~Traine 番黎架~ 因為唔拎車仔,我咩咩帶唔咩得太耐, 同埋如果佢訓左, 車仔會訓得舒服d, 所以出街時間長or 同朋友食飯多數會拎車, 其他就咩帶就OK~~~


6個月既母乳目標都就到喇...其實我好想唔餵好耐, 但又1516, 同埋都叫自己堅持到6個月,不過5個月已經跌左一半奶量..我無加泵次數, 但都keep 住泵...
到呢家, 呢2日,, 跌新低..再加M 到..又新低再低...咁我估過埋今個星期可以收山喇....我一D 都唔勤力泵奶架.. 所以亞皇都係食7-8 成母乳...我呢個ftm, 如果都唔堅持餵到6個月, 真係對唔住自己,比起其他媽媽, 我依然慚愧..不過無謂比較啦....呢家都算叫過到自己啦.....唔比太多壓力自己lu~~BB健康就得架喇~~唔洗十全十美~

係屋企就會著晒所有出街唔會著既衫...e.g. Pink n girle clothes, so he is always in Pink while he is at home.. haha

 

夜欄人靜..

夜欄人靜..既時候...又會係到諗....叫自己堅強D....

由大肚到生完, 呢家BB 都5個月喇...老公係自己身邊既時間真係少之又少~~

其實同亞媽一齊住, 有佢照顧我..又唔洗番工..我都好幸福架喇~~

但同有老公係身邊真係爭D...(爭好多)

我知老公都好努力..好辛苦 , 佢都好想快d 可以" 一家團聚".....

其實都已經一年...好似已經習慣左... 無老公係身邊~

不過都好羨慕其他媽媽,見到佢地成日同老公& BB 出街呀.. 照顧Baby..etc

就連買野比BB 我都想等埋老公一齊先買... 會開心D~~~

老公做野好辛苦又大壓力...我都唔想成日"催佢"...

因為我知佢仲心急過我~~

夜麻麻...個人多野諗姐...係到"son" 下無野架喇

有左"媽媽"呢個身份...我突然咩都可以堅強..

望住BB,有佢係我身邊.....咩都無所謂喇...

踏入5 個月

 

岩岩踏入5個月既亞皇..識得反身喇~~仲識得自己拎住奶樽食奶奶~~~見到奶奶就識伸手拎~~

仲有就係愈黎愈大聲....成日係到講野同叫...愈黎愈唔鐘意訓係到...激死...座多得又怕對佢腰骨唔好~

仲食牙餅食到好嘆記~~又睇電視....真係覺得佢愈黎愈巴閉豬~~~

 

為亞皇做的手作~

呢家好少update 個blog~又少去其他Blogger 都睇~~~
多得小藍..我呢家會多D update 同探下其他bloggers 架喇..

我見原來好多媽媽都有鉤野比bb 架～～

我之前身痕(真係身痕 haha) 鉤住野， 有D 野專注下係無咁痕架~~ 
朋友教左我起針再加我自己上網學, 鉤左件背心仔同鞋仔比Baby~~果時簡直上身..好有興趣..haha
仲鉤左手"物"仔比朋友既Baby~

比Baby 著住果時真係好開心~~

    

呢家生完..仲有D 淨..又想再開始鉤下...


我仲想介紹下 Jusco $10 店(呢家叫Living Plaza), 有隻線冷..唔係冷,係線, 好軟熟..又唔太厚.好岩織比初生幾個月既Baby~
仲有好多唔同colour~ 我白色件背心仔同埋鞋仔都係用呢隻棉線..好似用左3-4 舊就夠喇~~(我都唔係好記得) 鞋仔就1 舊就夠晒喇~

Jusco $10 仲有幾款鉤針, 不過就一定無Clover 既咁好"搾手"...但如果鉤鞋仔,手套果d 唔洗拎好多時間都OK 既~~
不過唔係間間有, 我之前係TW廣場同埋MK 買的~ 不過有朋友係淘寶仲抵~ $15 人仔有一set~~!唔知好唔好用呢~

 

 

 

 

不知不覺 -- 亞皇5個月

時間過得太...快喇...即係我會老得好快!!!! 仲有2日..亞皇就5個月喇!!!

我要令我既生活充實D 先得喇~~!!

其實今個月好好多喇..我呢家成日帶亞皇出去~

同埋亞皇開始大..我覺得會愈黎愈忙架喇

不過我想努力D update 呢個blog 先得~~ 除左影相..真係好少記錄低亞皇既成長事呀~~

呢個月..月頭亞皇真係標左2隻出牙仔出黎~~比佢食牙膠同蕉蕉喇~~

(\亞Paul = 亞婆婆, 佢話叫婆婆太老..叫亞Paul, 好似英文名咁wor~~ 潮Paul 就真..XDD )

呢個亞Paul 好多計..食食下飯見亞皇座係到玩..比左支芥蘭佢食..食到佢幾開心~~

亞Paul 仲買左牙仔餅比佢..食到佢dup dup 聲... 不過呢d 牙仔餅上寫for 6-36 months, 所以我全程都睇住佢食, 如果咬得太大舊入口,我會正番出黎~

今日就係好似反左次身..反到自己係到cry.. 但唔係成日反到..呢個星期開始..係張網床到自己轉黎轉去..好次支時針咁..次次去睇佢都唔同位~~

阿皇的第4個月

阿皇下星期就4個月喇...佢呢家成日要座起身, 或者企係到..唔like 訓係到, 好多時未放低晒已經喊~~
反身都未識就學人企...我日日訓練下佢扒係到, 扒一陣已經唔like, 係到扭計...

之前朋友送既咩"Dumbo" (唔記得係唔係呢個名) 亞媽叫我拎出黎, 阿皇真係座到!!好攪笑, 好似真係大個左咁~~

老公番黎, 我地發現左阿皇識踢波, haha 但佢玩玩下鐘意左個波波, 唔玩其他玩具, 好在只係2日, 之後都玩番..唔係我有排煩~~

阿皇愈大愈訓得少,我就少左好多時間做自己野, 有時岩岩洗完野佢已經醒..

呢排佢好多口水, 又狂食手(比起之前食得更犀利)
呢幾日佢痾多左, 我懷疑佢出牙仔~~

阿皇踏入兩個月

由2個月開始,Baby 過幾日就會發現佢識多左野..

1. 放佢去玩床玲..真係識玩架..我初頭以為佢自己亂郁..打到床邊D 公仔.原來佢自己識target 咁打架~個床玲停左..佢會喊架..即係真係睇緊聽緊玩緊啦~^^

2. 開始講野..嘰嘰咕咕..可以對答咁..見到人又識笑, 成日要人同佢傾計,有時仲無啦啦哎幾聲好大聲~(會成日要人同佢講野同玩)

3.前幾日開始識食手..之前跌奶咀會喊/大叫..呢家會自己食自己手仔.. 由前幾日放唔正入口..到呢家已經一放就放岩位

無唔同既係..佢仲係成日嘔奶..上次番去打針..問左姑娘..佢suggest 減奶量..好似好左D,無餐餐嘔, 但耐唔耐都有餐嘔得勁~

仲有個幾星期就3個月喇, 好快Baby 應該就識轉身同埋爬架喇~~

打在兒身, 痛左母心

打在兒身,痛左母心....作為人母..今日我體會到呢句既喇~~


昨天第一次帶阿皇去健康院打針...其實都成日喊同扭計架喇..有時比婆婆昨狀打手仔都會大喊幾野~~

但估唔到今日打針..我手抱住佢..姑娘打果時我都唔望架喇..一打完, 阿皇塊面紅晒, 一野尖叫大喊..我即時眼濕濕..好在佢收聲收得快.唔係我已經忍唔住係姑娘面前流眼淚.... 果下真係好心痛..

之前出世係醫院都打左2支針..一支唔係我面前打..一支打完佢都無反應..無出過聲..打針既姑娘仲話佢咁叻...我估係因為佢訓緊覺..所以無反應... = ="

之後仲有咁多支針..我估我會"慣"..唔會咁屎喇掛...仲有亞皇會叻D..愈打愈唔怕打針針啦~

阿皇滿月喇~~

估唔到咁快就一個月~~滿月酒都擺埋喇~~~
17th 其實未足月..仲爭幾日先夠..不過因為Papa 18th 要番北京做野喇...所以提早幾日擺喇..(太"女麻") 係阿皇出世果日已經一早擇左呢日擺架喇~我自己其實prefer 百日宴..不過就佢地老人家啦..

阿皇滿月擺左11圍~男家親戚多, 雖然我都無咩請朋友..只係請左10幾年朋友果d~不過自阿皇出世以黎..都收到好多朋友既祝福同禮物+利是~(由其係海外朋友..係到收到parcel, 真係好感動, 因為話晒都起馬8年無見~佢地真係好有心) 好開心阿皇有咁多人鍚~~覺得我同亞阿都surrounding wth love...真係好感動~~

到真正21st 亞皇滿月果日..我同亞媽出去左買左個蛋糕比佢~同佢慶祝下..不過佢一訓醒起身就扭奶奶,都無同佢影到相tim~ (我食左個cake啦..估唔到咁好食~ :P )

不過滿左月..即係陪月都期滿喇...我就多D時間要自己湊B喇~每日訓少左..(中間有一餐有陪月餵都爭好遠..起馬我可以連續訓到5-6個鐘, 呢家唔洗指意lu~~)

人地話BB愈大愈好湊..我亞B滿左月反而無咁好湊..
無之前食得咁好..成日嘔奶..掃晒風都嘔..嘔晒出黎即係食少好多...嘔到我忟...又waste 晒我D 奶(Mama泵得好辛苦架), 之前食完就訓到下餐, 好準時..成日要人"tum" 訓下又醒下~不過都好既..因為證明佢大左..成日周圍"8掛"..先唔願訓~又認人抱~

不過我決定唔比自己太大壓力...因為我知道呢家先係"岩岩開始"...我EQ唔可以再咁低..無耐性既我仲有好多挑戰

阿皇拎左出世紙喇

今日老公幫阿皇拎左出世紙lu~~~~

~出世紙有埋個咁靚既信封入住~

 

終於confirm 左個中文名叫" 薛毅朗 " 喇~~~

阿皇阿皇~~ 呢個名...係爸爸同媽媽都仲未結婚or 諗住有baby 果時已經諗左~~
果時我地拍拖行街街..無啦啦講呢個話題..如果有個baby 會叫咩名..
你爸爸話想你有毅力..要有個毅字~ 或者要有個朗字~ 要我地既Baby係一個開朗既人~
咁不如2個字都用啦...毅朗..仲好surprise!! 呢個名同英文名好夾~!! ( D朋友唔多信我完全無諗過要同aaron 呢個音夾架law~  = =" )

到有左baby, 如果baby 係男仔, 就唔洗頭痛再諗baby 既中英文名~~

不過一直都無confirm 係叫"毅朗"...係因為 6299 想拎阿皇出世時晨..搵人改名, 點知出左世又好似OK..又無再提呢樣野..仲ok 比我地自己改..問埋baby 公公婆婆都OK..就決定用呢個名喇~~~

至於英文名 "Aaron", 都唔洗講..我由中學開始講..如果我有個仔個名要叫"aaron"
其實成日比人笑我改佢個名做Aaron.. 話第時個仔知自己亞媽改自己idol 既名會唔開心..又話第時個仔知自己同個亞叔一樣名會唔開心...哈哈..我自己覺得OK 啦~

郭富城除左係artist, singer, dancer 之外..我知佢係一個做事好認真既人..事業有起有跌, 但都算成功..有D高傲..佢呢D "特質"我都唔介意我baby有~ keke~

由無乳到母乳~~

有好多陀住Baby 既媽媽, 已經有奶滲出黎~我一直都無..所以都估自己會無咩奶比亞B 都唔出奇..不過都無擔心..最多阿皇食奶粉..不過有得幾多餵幾多, 因為我知道人奶好多方面都比奶粉好, 由其係有抗體..想Baby 抵抗力好D~

由BB出世既身第一日, 同左醫院講話餵人奶的..
BB出世唔夠2鍾,就埋身吮喇..我都同姑娘講..我未必有喎..佢教我自己squeeze 下..果然有d 初乳..我都好suprise, 唔多..但都叫做有D野.. 係唔係都比Baby 食左先啦..而baby 又好乖..係咁吮..感覺同baby 好親密..唔怪得朋友都話like 埋身餵baby 既親密時間~

因為baby 一餓就比佢吮架喇..我唔知佢食到幾多..都無理lu...見個個都咁勤力餵..我一見阿皇喊就餵..佢都係3-4個鐘起身~不過餵多幾次..乳頭已經痛喇...姑娘話餵法唔岩先至會痛....我試黎試去..一時痛一時唔痛..都唔知幾時岩..幾時唔岩lu~ 我又會以為係之前唔岩..損左..呢家岩番都會痛..所以就會忍痛餵..

耐唔耐baby 食前食後我都會check 下自己有唔係仲有"野出"同埋自己都要查d 上Nipple, 等nipple 快d 好番同埋無咁痛(姑娘教架, work 架!)我見隔離床有個女仔想查自己d 藥膏上nipple, 姐姐見到叫佢唔好呀, 你查左..你亞B 咪食晒law! 查D 人奶上去得架喇...有時第一下食唔岩..真係會"哎"出黎..好似比阿皇咬左一啖咁...隔離床D媽媽, 我都會成日聽到佢地都成日"shi shi" 聲~大家係咁樣..

Keep 住baby 一喊就比佢吮..食完又比佢訓..loop 住成晚成日都係做呢個動作..都有餵左好多次..姑娘睇我個表,都話我勤力( 我地要mark 低Baby 食左幾多次同埋痾左多次的) 其實我都係見其他媽媽咁勤力餵咋..同埋阿皇喊..唯人令佢唔喊就係比佢食喇~

初乳..開始由無色好稀...變到傑傑地..有d 黏..對個nipple 好番仲快..跟住第2日..已經變成"奶色"..我自己心諗..e.. 變左奶喇wor..

我覺得有一幕好攪笑law..
訓訓下覺(下晝)..無啦啦有個姑娘問我..餵成點..我話都Ok 呀~
佢自己打開我件衫, squeeze 左一野, 好登我開心咁話: 見到成果喇~~你睇唔睇到呀??   我都仲未訓醒..(仲訓係到架wor.. ) 答左佢係呀..佢叫我扣番件衫之後我又訓番喇...

出左院番到屋企都係堅持餵人奶..第2日個胸脹得好實..嚇死我..
因為成日聽其他媽媽話咩石頭胸...勁痛同埋要睇醫生..勁驚我都係咁..問陪月..佢叫我pump 出黎就OK~唔好比乳線塞住..我未有pump, 佢叫我用手先...之後拿拿林叫老公出去買pump比我~(之前未知自己有無奶..都無買到奶pump 住, 同埋都唔知咩時候用, 我又唔洗番工, 以為唔洗pump 出黎) 估唔到用手都有1/3 杯..黃黃地色既奶...

之後買左pump 番黎..每次pump 都好多..有d 滿足感..不過都會擔心亞B 唔夠食, 因為佢都食好多餐...

因為埋身埋..亞B 食唔得多, 又食得密, 亞媽同老公都唔想我咁辛苦..由本來堅持唔補奶粉之下..夜晚果餐卒之都係補喇..

點知補左每晚一餐奶粉之後, 阿皇食左奶樽既奶咀..吮我個Nipple 既時候..正到我損晒..飲緊中間咀仔仲正黎正去, 好痛..最驚係..佢正損左我,我自己唔知, 阿皇吮埋我d 血, 嘔奶果時啡色..嚇死我~番健康院見醫生同姑娘時, 姑娘話阿皇吮左奶咀..吮壞左個方法..要糾正就一係用杯/匙餵..老公就覺得..pump 出黎餵仲好, 起馬我唔洗辛苦..pump 出黎又可以其他人幫我餵..人地話唔埋身餵, D 奶會無上得咁好, 不過reserch 左, 都OK..pump 密D就得,陪月又話OK, 好多人番工都係pump, 都上到奶...so..

我就變成左"全泵媽"喇~~

其實泵出黎都好..起馬睇到阿皇食左幾多.同埋我奶量有幾多..

第一次用pump, 都有咁多架, 第一次用pump, pump奶既成績

之後..每次都pump 到1 杯半..成3xxml..個個都話我算犀利..
但我始終覺得係唔夠, 因為阿皇食量會愈黎愈大..之後一定會唔夠..每餐90ml + 一餐奶粉..先有多...
佢再大D,食4-5oz 就唔夠架喇~同埋我奶量未必一定增長架嘛..可能少都唔出奇....所以呢家pump得幾多得幾多喇...

呢2日d 奶量都好似下跌左D喇..要飲番多d 水同湯水先得喇..
仲有我呢家前面果d 奶唔要..要中間同尾果d 奶only, 因為開頭D 奶係稀D..中間同後面果d 奶脂肪先多D..baby 先飽肚d..唔會咁快餓~~

不過第時出街都幾煩,因為成日谷到漏到成件衫濕的....我估要成日zip 乳墊~~出全日街又可能要搵地方pump 奶...

唔知我仲可以pump 到幾耐餵到baby 呢...target 係6個月...努力先得喇`~~

呢家奶既存貨都暫時叫做夠, 又唔會擺得太多,擺得太耐先飲..唔新鮮..

 

三日兩夜 C1產後護理

與阿皇在產後病房的二天~~

生左Baby 之後,就上左C1產後房喇..生完唔落得床..都係姐姐推我上去..佢推我搭lift 果時, 左撞右撞咁..嚇死我..我心諗..D 姐姐咁粗魯架..我一陣會唔會都比人粗魯對待架~ (傷口一直都有忍忍痛..但果種痛..好唔痛.. 唔知點講...頭痛我都會痛到想食止痛藥..但呢種痛係..唔痛, 我果時都諗係唔係打左止痛針未過..不過之後都無咩)

上到去.自己慢慢過床..之後我就訓喇..好眼訓...成晚無訓過..
訓訓下有個姑娘黎叫我"餵baby喇", 我半醒咁話..唔餵喇..一陣先.(我一向以為係要自己行過去餵) 一路講一路先開眼望姑娘..原來已經推左baby 過黎..我即刻起身..姑娘一野室左baby 係我心口比我攬住...感覺好奇妙呀!!第一次咁攬住佢...佢無喊..個樣好sweet.周圍眼望望..跟住我話想幫baby 影相send 比我老公睇..姑娘好好,話幫我影..(呢張就係baby 出世第一張相喇..之後我勁send 比D friend) 


     阿皇出世後第一張相

 
跟住姑娘教我餵baby, 我話我無奶住wor.. (因為好多mama 陀baby 果時已經有初乳 我一直都無)  姑娘叫我試下squeeze 下自己乳頭, 竟然有d 水出wor~!我話.e..有d wor..跟住姑娘教我正確餵baby 既方法..Baby 吮既時候.真係好不可思議..佢仲會自己搵nipple..
姑娘話keep住2-3 個鐘就好比佢吮起馬30min (呢樣野係我住院時a既main job)

不過我仲未落得床..我又唔太敢亂郁..怕move 到個傷口..
但baby 就一直係我隔離..成日都可以望實佢...真係好難相信我已經係一個媽媽..仲好似發緊夢咁...

可以用電話,我就已經watspp晒比我D 朋友知..我既baby aaron 出左世喇.佢地都好開心~個個都話aaron 似我..我都無研究過baby 似邊個~~ 哈哈.不過聽到好開心~我自己就好鐘意baby 個髮型.好似出世之前已經剪左頭髮咁~

好快就到探病時間..媽咪拎左飯比我食~我仲好好精神食飯...因為好鬼肚餓~ 老爺奶奶,麻麻,老公家姐親戚都黎晒...佢地勁話似我老公..哈哈..我都知個個都有唔同意見架喇~
不過老公就要聽日既下晝機先趕到番黎~佢睇到baby D 相都話baby 似我..無咩似佢...wahhahahah

7個鐘後..姐姐要我試係床到用尿盤痾尿.. 我好快就痾左..跟住就帶我慢慢落床..講我知toliet 係邊..d 衫係邊(污糟左自己換..包括baby D 衫同埋Baby 床單 ) 姑娘幫baby 換左片片,我又雞手鴨腳幫baby 換...仲要有一次比姑娘見到我掉轉左條片黎放: 條片掉轉左呀.你第幾胎呀...我答: 第一咋

不過原來真係..煮到埋黎就要食...之前我一向都唔敢抱初生baby, 呢家..我變得好大膽..張baby 抱黎抱去~

我間大房好多人..8 張床,計埋我有6個人~ 又唔算full..我見隔離房都有D吉床位~

個個大部份時間都係餵人奶~ 由於我係新手..咩都唔識..我都係左望右望人地做D咩.又聽人地講野..我則邊果兩個都係香港人..都係第2胎..我見個個都好勤力餵奶.. 我都跟住佢地..努力地密密餵~夜晚好鬼熱鬧..個個都開住自己既燈仔係到餵...

我地房加埋隔離房都不停有baby 大合奏...有時靜左一陣, 一個開始喊就個個都喊..反而我阿皇有理無理..自己係到訓..肚餓就喊...
我仲問姐姐點解佢唔多喊,姐姐話:嘩..你唔好講呀..番到去有排佢喊你就煩...

第2日..7 點就開燈食Breakfast, 換床單..9點醫生續個睇我地..(個醫生又係好後生..比盡23歲..但感覺都好professional~同埋都好Nice)..
之後全日都係餵baby ,換片, 去toliet 同埋訓覺.已經熟晒架部... 同埋上左個產後運動talk, 每日D talk 都一樣..有好多都ready 出院..就上果個出院talk~
 
仲有就係期待老公番到,一家團聚..佢要5:30-7:30 探病時間先會到~
我知佢都好緊張,好想快d 見到Baby 喇..之前果晚仲勁叫我影多2 張baby 相send 比佢~~

係醫院都開始好悶..見無咩.已經想聽日出院了~
不過我房有一半媽媽都出左院..今晚成間房靜左好多..
但反而我鐘意昨晚熱鬧D..個個開燈仔餵Baby..好多baby 喊聲多D~嘈D我都唔怕~ :P

醫院既時間表每日都係一樣..所以我第2日已經知道晒要做D咩lu~~
下晝就同baby 一齊出院lu~

太多細位唔講喇....打打下都覺得打得太多細位 :P

呢2日除左我係醫院之外...亞媽,老公同老爺奶奶都好忙~~
由其係我亞媽..由於阿皇早左好多出世..屋企baby 既野都未攪好..就連BB床都未係朋友到送過黎~~
老公番到黎探完我就叫朋友送黎喇..我間房D櫃就要搬去工人房, 滕D位出黎放BB床..亞媽又拎晒D Baby 衫同被去洗衣店洗(仲要比double 即日拎)..因為D Baby 衫同被都係洗左D 咋~

老爺奶奶就每日2次探病時間黎送飯比我食..

真係辛苦晒大家~~

阿皇出世喇~~~~

我阿皇出世喇~~~

落左摧生藥之後..開始陣痛強左少少..但都忍得住...

我對眼只係不停望住個鐘...睇下幾多分鐘痛一次...

我一直以為痛得愈密就愈痛..3-4分鍾一次就生得~想睇下自己開到幾多..
有姑娘入黎我又問我呢家開到幾多度同埋幾耐痛一次(佢地部機會睇到我幾時痛) 佢話約3-4分鐘..跟住我問我開到幾多度..佢話.你一度都未開..你第一胎有排呀..起馬10幾個鐘.. 即刻灰左..因為我知有d 人摧生可以好快生...同埋我想知我痛既情度係幾多度...(1最唔痛..10最痛嘛), ..

跟住開始愈黎愈痛..我開始用呼吸頂下D痛..又"loo" 埋...因為我勁係到同自己講..呢d 唔算痛架...一度既痛黎架咋..一陣10度果D先係勁野..呢家一度都頂唔住..10度點頂呀..頂得幾多得幾多啦~

姑娘又入黎問我..如果10 係最痛, 1 係最唔痛..你覺得呢家係幾多...我答佢3-4 到啦...跟住又改口..其實都有4-5架喇.. (我心諗..唔知點頂到10呢.. )

姑娘見我loo 晒..同我講打止痛針好唔好, 我話我怕呢家打左..一陣再痛d 無效...佢話唔會架...我都仲係猶疑...因為我睇BK D 人話打左針吸左笑氣都無用..都係痛到死... 我自己諗住頂得幾多得幾多..痛到頂唔順先打止痛針同聞笑氣..但姑娘話...你唔洗頂架..打止痛針啦...我見你咁辛苦,loose 晒咁, 你自己決定啦~..跟住過左一陣....我就諗..好啦..聽人地話啦..就叫姑娘同我打止痛針..姑娘仲叫埋姐姐比個笑氣我聞...

點知個笑氣一聞....頭暈暈咁...勁wing... 但就勁放鬆..真係當堂唔痛(因為果時我都唔係真係超痛) 我又係諗..呢家唔洗吸咁多住..勁痛先再吸多D..
.. 因為唔再係到"等" ...要"等" 10-粒鐘..咁我就relax 左自己..吸住笑氣..訓著左!! (我平時5-6am 訓架嘛..8-9am 梗係眼訓啦~又食飽 :P )

跟住姿勢無郁過...我醒果時係比2-3個姑娘圍住我..係到講咩, bb 心跳weak左..咩我紮住左部機姐...話我咩開晒, 又再check 我開左幾多度..果時我仲暈住笑氣..wing 到好似發緊夢但又知道晒身邊D人做緊咩..放鬆晒 check 度數已經無唔舒服...跟住聽到咩話"fully"... (即係開晒) 咁佢地就開始set "壇"....我唔知點就放左2對腳上去..無啦啦又feel到d 陣痛黎緊..佢地叫我push.. 其實又佢地話我開晒到我開始生..(中間好似有D斷片咁, 太wing 喇) 我push 左1 野, 佢地話咩個pat pat 貼住chair..跟住又話一feel 到黎就push, 我仲係到話黎啦黎啦...佢地叫我唔洗講架, feel 到就push 啦.. 我再push, 佢地話..等等,臍帶纏頸..我即刻唔敢郁 (呢家諗番係feel 到果時剪會陰, 不過果時真係唔覺得痛喇.. 其實生完下面果d 痛有d 似你手指比刀割傷傷口果d 痛) 跟住佢話OK喇, 頭先岩喇..呢度力岩喇,不過要長D..再黎過, 我就用番果到力...拉長個push.. 我哎左聲出黎借力, 其實係痛, 但我唔係痛到大哎出聲果D..姑娘想叫我唔好哎果時baby 已經出左黎喇~

之後姑娘等左陣, 姑娘叫我試下用力all 埋個"胎盤"出黎... 我試左一野..同姑娘講..我用唔到力(果時對腳軟晒) ..姑娘好好..話唔緊要,佢地幫我拎出黎..跟住 feel 到有pat 野出左黎..

之後等左一陣, 姑娘第baby 個pat pat 比我睇, 問我男定女.. 我話睇唔到,佢再第埋d, 佢話咁都睇唔到,睇唔到..ha 我成千度近視架..另一個姑娘就第左眼鏡比我..睇埋baby 個label..又放左baby 係我則邊一陣..第一眼就見到佢, 好多頭髮..好可愛既樣~ 不過就無話感動到想喊出黎..我估我仲未接受到我已經生左~

記得生完有個位(應該係生完架喇) 姑娘係咁叫我"x 大眼" 因為我全程都..合埋對眼咁濟...我打開眼都睇唔清架啦..

又唔記得邊個位我好開心咁同姑娘講多謝你地呀...(因為我都無諗過咁快生完,佢地既指引好好..我聽足晒就好快生到) 我仲講話我知點解你地要咁大聲喇..佢地話係呀..唔係惡呀..你聞住笑氣聽唔清楚架..之前聽到隔離生果時覺得佢地好惡..呢家完全唔覺..覺得佢地好helpful, every step 都講得好清楚, 好幫到我~

之後等連針,係咁叫提姑娘同我打麻醉針...佢地話會..但好似無..
我拎住個笑氣..原來無晒..勁驚..拿拿林同姑娘講換左新既比我~
我聞住笑氣黎"連針"..又wing 過..feel 到有幾下痛..縮左幾野.. 不過都接受到~

連完針,岩岩係探病時間, 就見到我亞媽....一唔聞個笑氣又精神番晒~ 同亞媽講: 我生左喇.. 我自己都好唔相信咁講.. 無諗過咁快就生左Baby~~ 好似仲未訓醒..發左個夢咁..因為聞住笑氣, 令所有野都好似發生得好濛糊咁~

其實全程都聽到我吸笑氣果d 呼吸聲..好似睇緊TV drama 急救果個人果d 咁..(or 係水底潛水,主要只係聽到呼吸聲咁)~~感覺好攪笑~

穿水記

估唔到打完上一篇blog, 執埋野..上床訓左陣..就穿水喇~~

21/2/2012

5:00am
訓係到都覺得好多..就知係穿水..點知一企起身..嚇死..好似賴尿咁...即刻大聱叫亞媽..我企左係到唔郁...完全唔知應該點做...仲要唔係一野就無水..行多2步又her her 聲..我成個日震晒~M 巾都唔識拎..拎條毛巾"zip"住...因為我唔覺得d M巾(even 孕婦M 巾) 可以hold 得住D 水law...(成人紙尿片就差唔多) ..一路換衫一路都有水..我怕我條毛巾都唔夠,拎多條係手...跟住就出發去PMH 喇... Keep 住出門口都一路係到震..我亞媽仲以為我凍..我知我唔係..係太不知所措...

係車到都冷靜左D..打電話比老公講佢知我呢家入院喇~(擔心死佢,佢話會改機票聽日番) 同埋係車到開始有DD陣痛..好似平時M 痛咁..不過就無規律既...

5:30am
去到PHM仲搵錯房,去左產後病房 = =" ..跟住落到產房..見到有2個人座係到等緊..嚇死我..以為無位/無房, 後尾好快就安排左佢地去房lu.. 跟住我換左醫院D袍, 一路換仲一路有水滲出黎, 屋企人幫我登記左,就要走喇..到就生先可以叫老公黎..同埋唔比開電話...

跟住磅重同埋有個姐姐同我check 開左幾多度...(我果時聽聞過check 都係好痛的) 佢伸隻手入黎..其實唔係好痛..不過好唔舒服..無諗過要伸到咁入..我"呀"左聲出黎... 一度都未開.  之後佢同我著有扣果D 孕婦Ｍ巾（成個相撲手果Ｄ)　我果時先知原來穿水都係用孕婦Ｍ巾的.

跟住入左一間叫幾大既房..有張床係中間, 駁好晒d 儀器, 聽到baby 心跳既機, 血壓計同埋有個野比我拎住,BB一郁就按一下...等醫生..中間有好多姑娘出出入入...個個都好後生..好似廿幾歲咁..聽到耐唔耐有d BB聲..聽唔到之前講果d  (好慘既叫聲..我估產前病房會多D) 但我聽到隔黎房生緊...唔太驚..但係咁聽到d 姑娘好惡叫果個點生點生..唔好叫..用力,再試唔得就要用挾...聽到果個女人係到叫..卒之都好似係用挾..聽到好緊張....勁諗如果到我果時,我一定會快D 用忍痛盡全力生...

都等左好耐..陣痛愈黎愈明顯..但都唔係好痛..耐唔耐都有姑娘入黎..同我講下我既情況同explain d 野比我知, 佢地好好, 唔似我聽到隔離生果D 咁惡..每個入黎同我講野既姑娘..我都同佢講我好驚..個個都答我唔洗驚..有個問我驚咩..我話驚痛, 佢話驚咩,你都痛緊啦~ 之後女醫生黎. 又check 我開左幾多度 (我都係好似之前咁叫左幾聲出黎,唔係痛,係真係好唔舒服..太入喇) 我一度都未開. 醫生 suggest 我摧生~~我15, 16 不過都係同意左~ 個醫生都好後生好nice,佢都有explain 好野比我知~
我個人震晒..問Dr 點解.佢話我太緊張..叫我深呼吸...之後好D喇..

我對住個鐘,見到7點40左右,我係到問醫生,幾時有早餐食.. (whahahah) 個醫生都呆一呆,我話我未食野驚唔夠力生~~ 佢話要食呢家食喇, 落左摧生就無得食架喇..佢問我有無屋企人買比我, 我話我袋有麵包(出門口果時立埋既, 本身係走佬袋入面既"乾糧" )醫生好好叫我食左先..咁我就一個人座左起身,係產房食包喇~wahahaha

8:00am
又有姑娘入黎,我又同佢講我好驚, 佢叫我唔洗驚..同Baby 傾下計.我對住baby 講..我第一次同baby 咁認真講咁多野.. XD 我話你唔好要媽咪痛咁耐呀..媽咪無用呀, 吊"嚴水'都驚呀...

又有另個後生醫生黎同我講"抽少少血" 佢勁慢勁斯文..我用另一隻手遮住我對眼..(佢見到我咁既樣都問我: 你好驚呀 ) 果個位都痛痛地..後尾見到原來佢插左支針係我手背喇..我問係唔係摧生都係呢個位落藥,佢話係..咁都無咁驚..成日驚果支針插入手係好鬼痛..又有姑娘入黎幫我駁果支藥喇...我又問..如果一陣痛得濟,我會唔會扯甩架..佢話無咁易...但我隻手已經唔敢亂郁喇.....

P.S. 望住個鐘, 就知baby 既生日係21/2/2012, 因為我知穿左水24 hrs 內要生, 點都多數係21/2 出世,有d 開心, 唔係29/2 Baby~之前真係好唔想佢4年1次Birthday B.

嘩....原來少少野都打左咁多......不過好想記低每個細節... 我唔打唔打..就會好快唔記得...(因為呢幾日座月, 好似好多野已經慢慢唔多記得咁喇)

聽日繼續....

38wk 3 見紅

10:45 pm

無啦啦去開大既時候...見到有D 血水....呆一呆...都好冷靜....因為聽得太多食炸糊~ 

(我見係血水, 自己覺得唔算係叫見紅掛... ) 不過有經驗既媽媽話都算係架~
 
之後watspp d mama 討論下...其實都可以入院..但我見又未有陣痛..唔想入院住呀>.<

所以都係睇定D 先.. 我無講比老公同亞媽知..唔想大驚少怪住... 不過我估都 '快架喇"

係msn 問老公, 如果我早過你番黎之前生你會唔會改機票... 佢問我: 你feel 到?? 我話唔係呀..不過好難講..隨時生都唔出奇~

不過我都唔諗太多住喇....拿拿林check 下走佬袋仲有咩要拎~~

2:03 am

去toliet, 又有血水..又係唔多....不過就同左亞媽講...佢叫我有陣痛先入院~

我10點幾果時到呢家都無咩痛..係有幾下小小M 痛only~

我係到執埋個走佬袋之後, 佢叫我執埋我房個櫃D 野 ( 因為我房個櫃d 野要執晒出黎入箱, D 位比Baby 放野~)

其實之前我都執得7788, so 拿拿林執埋d 手尾~


(P.S. 我老公係北京,今個weekend 先番,我呢家同亞媽住)



但我個身仲係好痕呀... (一路打blog 一路都仲周身R 緊... 如果我入院係醫院到R..其他人會唔會以為我生"室"呢?)

不過今日產檢姑娘話我唔係濕疹痕喇...叫我查Aq cream..(呢2日我查左都唔知幾多啦) 之後自己係到諗..
如果係唔係濕疹痕, 試下Olive Oil, 好多人話肚痕都OK..拿拿林今日買左支番黎.. 我沖完涼查到個身成個"吳剛c 父"咁...

都依然係...........痕......................

灰...........

38wk

今日已經係38wk 喇!!!!!!

好緊張呀~~愈黎愈近預產期~~又足左月~

即係呢家隨時,隨地!! 都有機會生~~!!!

3 月mama group 都有幾個Baby 早左好多出世喇!!

身邊朋友約我出街都話驚~~老公日日都係到擔心~~

我都好緊張架~~不過盡諒保持輕鬆啦~~

我估真係有咩"動靜"都會嚇到我唔知點好..不過我會叫自己冷靜既... 

今日同一班朋友食飯, 慶祝生日, 呢家好珍惜gathering 既時間呀

因為下一次同佢地Gathering , 可能係2個月後架喇~~ (生完座埋月)

再出去gathering, 可能要湊埋B出去添架..( 都唔知自己hand 唔handle 到添呀)

連走佬袋都未ready 好 (呢幾日好努力架喇..都7,8 成既)

D 濕疹其實都叫有好轉..D 粒粒算叫退得7788, 但係皮膚唔知點解都仲係痕, ( 依然會痕醒)
查咩cream 都係痕o既... >.<
訓覺時間依然"錯"晒...要努力"調教"番先得喇~

擔心生完都仲係咁痕就煩喇...

但我知黎緊我除左要面對"生既痛之外"

生完跟住..就會到個胸既痛... 因為見好多2月媽媽生左..都係餵人奶既煩惱同埋谷奶既痛..

我要好好珍惜呢家既日子喇...我知亞B 一出世, 我仲有好多野要面對~

我會加油架!!! .\ /.

37wk5 健康院 &quot;驚暈&quot;~~

今日10am 起身食左塊Toast 就出門口喇~

大家產檢都知道, 先去磅重, 驗尿, 量血壓, 再等叫名 聽心跳同度肚,再等叫名, 之後見姑娘/醫生,然後約下一次產檢時間.

我度完肚之後就座係到等見姑娘..點知座座下好鬼暈..即刻灘半個身左係人地d"登"到一陣..起身..都仲係好暈..頂唔順,成個人連腳訓上去, 過左一陣有2姑娘走黎問我有無事,有事要同佢地講,比張床我訓..唔好咁樣訓係到. 我都話無事..我自己諗住灘一灘就ok~點知見姑娘果時..姑娘問左我2句我已經成眼雪花..伏左係佢面前...

姑娘大為緊張..即刻叫人拎張輪椅推我房訓,我話自己行..佢都話叫我唔好郁好D..推到埋床邊果刻我聽唔到D 姑娘講咩tim..只係全部雪花..跟住好少少我先起身上張床.(我果時聽到起馬有3-4個人係到幫手)之後幫我check 血壓, 話咩40 唔怪得暈啦...聽到佢地勁講D術語, 又check 我脈搏又篤手指,check血糖 (嚇死我,以為要打針,我係到問,係唔係要打針)

又叫左醫生過黎..問我有無食野呀..有咩問題..etc (我仲要比起2個星期前,輕左1kg~要食番多d 野先得喇)
其實我都係講我唔夠訓..因為身痕訓唔到..我話之前開果d 藥同埋cream 都無用..佢話今次再開D潤 cream 比我~

佢地4.5 個人攪到我有d "受寵若驚" (係唔係應該咁講呢) 因為我知自己無咩...佢地好好又好溫柔,又叫我飲D 水, 又叫我小心唔好轉身, 又隔15min 同我度血壓,又搵枕頭同我"Long" 高對腳, 有個姑娘仲周不時撥下我D頭髮~話..睇下: 塊面青晒,口唇又乾..攪到我自己都覺得自己好似真係好慘咁~ 平時好少人會對我咁溫柔~

佢地叫我搵老公/屋企人黎接我走..佢地一直都有個醫生係到, 要量血壓量到升番正常先比我走, 之後我亞媽過左黎車我番屋企~番屋企食D 野,訓左陣就好好多喇~

今日攪到好大件事咁....第一次座輪椅..D輪椅咁細張既..我都唔叫大份..座落去都係岩岩好咋~哈哈~

我試過的止痕方法

其實因為我係咁上綱search PUPPP 妊娠濕疹既止痕方法..work 唔work 既都想知, 同埋都好有用~~所以我試過唔work 既, 都想同大定分享下~~

再Remind 下大家~~~ 咩係PUPPP 妊娠濕疹....其實原來都好Common, 不過無咩人知...好多生過BB既都會唔知...
好多人以為..係一般既大肚婆個肚會痕果d 痕... (我開頭都以為係...) 但到成身都係就肯定唔係喇~~~不過我都係由個肚D 肚紋果到開始先,好恐怖..起晒粒粒的 >.<



<

買Cream 都買到窮~如果真係止到痕又唔怕貴呀~

可惜暫時係未有一款可以令我止到我既痕...

我試過止痕的Cream: 一星期內用左好多, 之前心理作用,係咁查,但查極其實都係痕的~日又查,夜又查`,都未試過查咁多cream, 一星期查晒左2,3 支cream.


<

Cetaphil Intentive cream 好潤..
QV cream 好好查..開頭心理作用,勁查..輪住Cetaphil 同QV 係咁查~

其實呢D 都唔係亂買,係我上綱見到有人試左得,我諗下我會唔會得既心態去買去試的~
因為太多人因唔同既野而好番~~

Mustela 既Baby 濕疹cream,有人因為查Baby 既濕疹cream而好番,但我都係唔得~

啡色係健康院開比我既cream, 有隻黃色既抗敏藥,食左都無咩用, (有少少眼訓, 但都係會痕醒)

圓形係C+ 醫生開比我既"類固X"cream, 我試左幾次係手腳位痕既地方,都係唔係太work, 即唔查喇~
都有抗敏藥,食左都係痕無咩用, 會勁眼訓, 但都係會痕醒.


我連外國web site 都睇埋.. (我好想搵d 天然同埋唔係藥既方法去試)

有隻叫"Dandelion Root pill" , 好多鬼妹都食完OK, supplement 黎~~GNC 有出, 但係港搵過 Mannings +藥房都無,不過其實唔知有無side effect, 都唔係太好亂試~~
又有幾個鬼妹勁飲加左檸檬汁既水, 勁飲, 勁小便又work~~D 疹又退到喎~

太多唔同媽媽係唔同方法好番..唯有樣樣都試~不過我見過有d 真係list 左30-40 樣cream, 藥.沖涼液..同方法,都只係可以止到一陣而唔係好番~



艾葉:
之前我都有講過--係綱上好多人好嚴重都係用艾葉好番~
我沖左4, 5日,都唔係好止痕,不過見d 紅疹有d 退(其實唔知關唔關d 艾葉事,因為我同時食緊中藥..)所以keep 住用左4,5 日
同埋艾葉好平, $10 有好多,可以用3次.

<


今日又去買左金銀花同Ai Cream 試下~~

金銀花: 可惜都係無咩進展..用金銀花抹&沖完身,無幾耐又痕喇..金銀花貴過艾葉$20先用到2次

<



Ai Cream: 查完都係痕...唉...(其實連醫生開既"類固x藥" 都唔得, 我就唔應該試其他cream 啦 = =")

<



暫時最止到痕都係沖完涼 (我用Cetapil 沖涼)見OK 就唔轉喇,本來想試埋QV bath oil.

<


同埋鹽水~~~鹽水+棉花放係床頭~晚晚靠佢先訓到1-2個鐘.頂唔順就要起身沖涼.

Happy Valentine&#39;s Day~

~~~Last & First ValeNtine'S daY ~~~~~

最後一個二人世界既情人節   (好快就係三人世界喇~) + 第一個薜太身份既情人節 

我今年都無準備D 咩禮物比你~因為我痕到無咩心機出去買~~
今年你唔係我身邊..諗番起以前我地過既情人節, 原來有你係身邊已經好好架喇~

不過今晚突然諗...其實我拍拖咁耐到結婚..都無同你講過既一句說話~好想係呢個情人節同你講啦~~

"多謝您~~肥仔~~~^^"

多謝你娶我,做我既好老公~

多謝你咩都就晒我~

多謝你包容我呢舊忟薑~

多謝你令我有左我地既Baby~

多謝你為左我同Baby 努力擔起呢頭家~

我會同你一齊努力,維繫,組織呢個幸福快樂既家~~

你要記住無論將來既路係點都好,
我地都係3個人一齊行架~

其實我陀住BB,唔洗番工,好好架喇~ 呢樣野都要多謝你.唔係個個得架~

仲有10日你就番黎喇~!

即係好快就會見到阿皇B喇~~!!

好緊張,好期待,好驚呀~~~~~~~!!!!!!!!

我的大肚相~

阿皇同我的第一次寫真


<


好耐之前團購左張影大肚相既優惠~耐到都唔記得係邊到見到喇~

其實都唔expect 影得好好, 因為好平同埋睇佢地website 好似麻麻地..不過平平地..叫做留番個"record" 因為大左肚自己都無咩影相..(同埋唔包化妝)

買果時已經約左時間影..果時又唔知老公幾時係HK, 所以都無預佢一齊影..(點知原本過年果時佢地有期,早知同埋老公影啦, 不過唔緊要,第時阿皇出左世, 一家3口再影仲開心~^^)

其實個肚爆左紋..又R到花晒..都諗住唔露肚影,不過同朋友傾計時,佢地話唔露肚影不如係屋企自己影..又係wor~我自己又諗下..
之後去左探朋友..比個肚個2個朋友睇, 由話其實都唔係太肉酸..可以露肚影wor~就係你地既鼓勵..我之後就決定左露喇~~~

前幾日痕到無心機..諗過唔影...果日下晝先決定影..臨忍臨忙先汁幾件衫..諗住一套露肚, 一套唔露, 同埋佢地唔包化妝,我諗住清清地,自己化~同埋快手汁左對Baby 鞋仔同玩具~

上到去..攝影師好好,問我有咩衫..我話我著住呢套同埋一套tube, 佢話呢家我著住果套影會唔明顯..佢會幫我借套白色比我.其實我都有D 抗拒係陌生人面前show我個肚,仲要係男人,不過諗住既然都show 左....我又唔識佢既..之後又唔會見~就放鬆D~

我同攝影師講左我想要咩style,清D..同埋我個肚好花,不過照影得架喇~~我話我見人地果d 肚好靚,佢問我做咩唔自己搵化妝,我話, 下!化個肚..佢話係呀..唔好見人地果d 咁靚,好多都係化左架~~..原來如此~不過我先唔想查d 野上個肚..一來呢家有濕疹..二來唔想baby 吸收(查係肚感覺好似直接吸收咁), 同埋本來叫我加濃d 個妝,我又唔想,試影左張出黎效果都OK~就無加濃個妝喇~ (仲驚個黑眼圈好勁..因為呢個星期訓得唔好..都比人話我殘)

影完即刻有相睇..無諗過會影得滿意law..買晒d 相先至加$200, 一定加啦~~又平又靚~真係好開心 Total 45 張~ 本來佢話d 相要執同埋會有幾張+effect 比我, 2星期後有得拎~ 我叫佢比住幾張我先~我想比老公睇~點知加少少$ 又可以拎埋呢d 未執既..即加..即拎走~開心到d 玩具鞋仔都唔記得拎番~

真係好開心呀~~心情都好左D~~~^^
Post 住幾張, 細細地,你地睇先啦..呢d 未執既..遲D有執左果D再post 啦~~


P.S. 真係感恩..好在我個肚D 紅痕呢排退左..早一個星期果時..真係唔會影law..勁恐怖~~手腳果d 粒粒又無紅..無咩上到鏡..好合作~

續 妊娠濕疹

妊娠濕疹... 成個星期..都唔知係唔係叫有好轉..

呢幾日食緊中藥, 個肚果d 退左..但手腳身就多左..晚晚都係訓2個鐘就R醒左起身

之前成日係屋企,下畫少左痕, 以為有好轉, 點知夜晚仲R 得勁.. 成日都係夜晚先訓得最勁,攬住支cream 訓既日子 (支cream 仲要唔work)

本身以為有好轉, 心情都Ok..諗住慢慢黎..慢慢好緊架喇..點知又痕得咁犀利.
當堂灰晒..成個人無晒心機.. 心情真係因為D疹黎起跌..

第2日忍唔住去睇西醫(但其實我都知西醫無咩用) 不過拎D 藥番黎..好辛苦果時都食一粒啦..起馬訓得好D..

因為呢個星期晚晚訓唔著就係網到search, 睇下人地有咩方法. 外國web 都比我睇埋, 大陸微博都睇埋.

原來佢地都好辛苦,都係試過好多方法..查好多野..我都算好好架喇..唔係算太嚴重,同埋仲有一個月生..有d 一開始就有..真係聽到都登佢辛苦~

艾葉-艾葉泡水沖身:
其中最多人講既係用艾葉泡水沖身..最Work, 好多都因為艾葉好番晒..
知道之後好開心,諗住今次無死..搵到solution, 點知我沖左幾日都無咩進展..手腳都係痕到訓唔到..不過唔知個肚謝左果d 關唔關事,因為同時間都飲緊中藥
所以諗住橫惦有係到,就比d 耐性, 再keep 住沖一排啦~

鹽水-鹽+溫水:
呢樣野..係我自己試下, 點知止到Ｄ痕..不過只係一陣,有時會止到2個鍾..但好過無咁.. 用棉花浸落d鹽水到抺痕既地方.出街會拎個細樽入d 鹽水+棉花,痕時可以暫時止下, 唔洗周街R.

沖溫水涼+Cetaphil 沖涼液:
一開始痕就轉左, 因為之前沖完涼都會痕~
沖完又係止到2個鐘到,因為成身太多地方痕, 沖一次好過用鹽水止.

其他唔work 既方法都試左好多..其實因為太多人試過好多野, 所以我都唔知試邊樣好~~不過真係好多cream都唔得~

真係要挨到生先至唔痕?...
不過最擔心係如果唔清左去, 會影響到Baby 都有濕疹就麻煩喇~>.<

由35wk 踏入36wk -- 痕不欲生

今日踏入36wk.. 其實都聽過人地話尾果幾個月陀B會辛苦..不過我以為會係腰痛..腳腫..頭暈..嘔...etc 估唔到呢幾日令我最辛苦既係"痕"...

開頭只係個肚..以為乾燥..個個生過既都話查cream/oil就OK~佢地都係咁..聽唔到既朋友意見.試左唔同既cream+oil都無用...
皮膚用既沖涼液都買埋...但都係痕到訓唔到..去健康院產檢時講左比醫生知..佢開左D 抗敏藥同藥膏比我...
仲愈黎愈痕...D cream 3 日內比我用晒咁濟... R到個肚起晒粒粒...仲開始擴散去手腳..一粒仔都已經痕到發癲...訓唔到, 夜晚拎住支cream 黎訓..好辛苦...

之後果日頂唔順..去左睇中醫..話係胎毒..仲話我好彩..仲清得切..如果唔係呢家生左, Baby 會有濕疹仲麻煩....飲左大半日中藥都未有咩效果...見到個肚咁肉酸都會好唔開心..不過個心諗住..如果我呢家痕..baby 真係出世唔會有濕疹,咁我都痕得值得....

同埋我上綱睇其他人都係睇中醫..食幾日藥先有好轉..我為有忍下啦...

昨晚又訓唔著喇..點知比我search到PUPPP, 徵狀同我既一模一樣!!!
我一見張圖再睇埋下面呢段野(我個肚無咁嚴重,但已經好似) 就好肯定自己係喇!!!!!

http://tw.knowledge.yahoo.com/question/question?qid=1009031510959

 PUPPP又叫: 妊娠濕疹/妊娠多形性皮疹

"PUPPP是幾種孕期特有皮膚病中最常見者，發生率約占初次懷孕的兩百至三分之一左右。一般多是在懷孕的第三期（廿七周）後才開始發生。PUPPP好發於第一胎、雙胞胎或多胎胞。

PUPPP的臨床形態很多樣化，包括蕁麻疹、丘疹、斑塊或小水泡。一般從肚臍周圍開始，沿著妊娠紋，逐漸往胸部、大腿、小腿及上肢蔓延。病患會非常癢，癢至影響睡眠。 "

"懷孕期間的皮膚病和懷孕本身確定有關的首推孕期多形疹（polymorphic eruption of pregnancy）, 又稱孕期搔癢性蕁麻疹樣丘疹和斑塊（pruritic urticarial papules and　plaques of pregnancy）, 簡稱PUPPP。此病名雖然複雜，卻忠實地反映了病情的慨況：開始時是一些很小的紅色丘疹，排列於肚臍附近的妊娠紋上，細看之下疹子四周有些浮腫，好像蕁麻疹一樣的情形，但卻持續不消退。漸漸的丘疹互相融合成大的斑塊，並且擴展至大腿、四肢等部位。幸好病灶並不會漫延至臉部。PUPPP在臨床上並不少見，文獻中推估大約每兩佰五十個孕婦中就有一個患有此症。"

我真係好彩..1/300 既機會我都中..而且70%係仔先有~~ = ="

不過知道原來都咁common, 見好多人都有, 都安心D~
但開頭search 到話生完就會自己散..查咩都無用.. 我仲有成個月先生..
唔係要痕到生下嘛...嚇死...

好在serach search 下好多人都唔係生完先無..都有唔同既solution~~其中最多人講又最work 既係"艾葉"煲水沖身~
今日拿拿林去買左番黎...希望真係會work 啦~~　＞。＜

其實食中藥都知應該ok..不過我知唔係1, 2 日就會好...同埋我呢個醫生話飲既中藥都可以用黎"fool"係痕既地方止痕..不過中藥太黑同埋好大陣味.. 艾葉"煲水清D 同無咁大陣味..今晚開始飲中藥 + "Fool" 艾葉水..我要努力呀~

我唔識呢個blogger, 不過佢呢篇Blog 好好~~~真係多謝你既分享~
http://blog.yahoo.com/_CPP6OFKTQXJYD5SDI6GBKTHAWI/articles/23309

我們的利是封~~

第一年派利是...估唔到我地2公婆都派左唔少...但更加估唔到係...我地2個既利是加埋...仲多過我地派果D~~ 嘻嘻...
阿皇都收左D 利是架~~ 雖然唔多..但我會幫阿皇草起係教育基金架喇~~

更開心係..都有唔少人發現我既利是封係自己訂制既.... 好開心~

其實因為數量有限..只係朋友同親戚派我"出品既利是封" 架咋~~~

99仲叫我年年都要正..仲叫我比一疊佢..

下年要湊B.. 都唔知有無咁多時間lu~~~

其實我成日有好多屎忽鬼"idea"不過真係諗多過做..

所以今次做左好開心..

我仲有好多Baby idea 野係我腦入面呀~~

選擇困難症

今個星期尾.."彈皇"就8個月喇~~~

呢家先開始Reserach 下 D Baby 野~~

無意間睇到呢個blogger 打既呢篇Blog.. 完全諗法一樣.....

同埋根本就唔知點去揀...


係上年既post, 我呢個媽媽個B 都2歲喇...

我估好多媽媽都要經歷下呢個"選擇困難症"過程..

但同時都好佩服果D..勁深入研究邊個brand 最好既比Baby..

我真係無從入手...

我都要努力喇~~

而我既目標都係過年後 , 可以逐少逐少咁再買多D B仔既 嘢 !!

我們的baby~

wahahhah  好想講番呢樣野...

我之前都send 過呢張baby 相比我屋企人睇....佢地竟然記得.. ( 我自己都唔記得我有玩過)  

佢話你之前咪係電腦玩過你同亞剛生出黎既baby 係咩樣既~~
生左就可以睇下係唔係真係似喇~~~

就係呢張喇~~~~

今日我搵番呢篇blog 出黎.. .睇番一年前..未有baby 時...我寫野既... 真係估都估唔到一年後就已經有左喇..

我果時仲有寫埋我個仔叫咩名...

我一問d fd 你估下我個仔既英文名係咩? 9 成既fd 都5秒內講出...hehehe 原來我讀書到呢家都成日講架~~

好開心十幾年既願望好快成真喇~~~~~ My lovely aaron baby wil be with me

上年平安夜寫既Blog:

http://blog.yahoo.com/fishkwong/articles/53610/category/LOVE+%E2%99%A5+%E7%94%9F%E6%B4%BB

二O一二年~~會係我第一次派利是~~~~~

二O一O 新年~~會係我第一次派利是~~~~~好緊張呀~~

勁係到諗用咩利是封..周圍留意同埋睇...之前都諗住自己design 拎出去印 or 唔好煩, 買百家姓算..有個姓氏..meaningful D 咁...

我屋企其實勁多唔洗$ 既利是封..不過今年實在唔想用..想特別D.. 我都明D 人收完利是d 利是封多數都係丟....但我會派我開心D law..

諗住自己design 拎出去印..搵左幾間都唔平...因為我唔洗印太多..又唔想印太貴...
後尾搵左間平既..好開心..即刻快手出design, 點知原來要+ 呢樣+ 果樣$...

十五十六左勁耐...諗住唔印..買出面百家姓算架喇... 計計下條數又唔係爭好多..唔理lu..
卒之都係搵左另一間印..唔算平..不過接受到啦~~

我無咩點諗idea, 都係用番個wedding logo 同姓, 快手出左幾個比老公揀~ 老公一睇就話梗係最尾果個..

所以我拎C果款紅色去印lu~~~

~~好期待個制成品呀~~
~~1 月中先有得拎...到時再post 上黎啦~~

Happy Xmas~~

我番黎喇~!!!!~努力寫blog~~~~~~因為有好多野好想記低呀~~ 已經miss 左好多..呢家都唔記得喇~~


由10月頭開始..Baby 4個幾月到...老公就飛番北京做野喇...之前諗住要過年先見到佢架喇~~ 點知xmas 話飛番黎同我過..超開心..因為中國係無xmas 假架...佢特登請幾日假番黎~ 真係好開心.. 24th Dec 仲要係我地8週年...不過佢係Hk 夜晚去完街..都要跟佢工作上既野..辛苦晒呀老公..  

佢番到黎..都未見過我咁大個肚..之前4個幾月比起呢家7個幾月個肚爭好遠~果時baby d movement 都無咁勁...佢成日話我叫我d 動作c 文d..似番個大肚婆..其實好多朋友都話過我同一番說話...其實我有小心架..haha

雖然只係7日..不過真係好開心...仲夾到時間去埋睇Aaron Concert~~

有左咁耐..我都一直未買baby 野..無好用心去睇or 研究..因為我唔想太急買野.. 一來無咩頭"水"...完全唔知點入手..唔想waste $ 買錯or 買d 無用or 無謂既野番黎屋企"擺"..

自己會行下baby 野..不過都只係睇baby 衫..其他用品都係一D 都唔知要D 咩...
其實衫我都唔係好知要買厚定簿..同埋表姐同老公家姐又比左D 我..我都唔知洗唔洗"添"

今次老公番黎先真係去睇同去買左堆野番黎... 奶樽同埋消毒奶樽機...睇BB 床同埋BB車...
見到老公同埋堆野..先真係感覺到我要"expecting a Baby" 真係好似發緊夢...

愈黎愈近見到Baby 既日子喇...仲有2個月咋.. 我心理上.. 都好似仲未"準備好咁"
比起其他同期既媽媽..佢地好似已經好professional.. prepare左好多野..夾晒價..知邊個brand 好邊個brand 唔好...睇黎我真係要努力D 先得喇...

Yestrday 捉亞媽陪我去Jusco..又買左好多 baby 被同衫...愈多baby 野係屋企..就愈提我Baby 出世既日子好快到..

之前我真係無咩去諗太多....咩都"順其自然"..保持輕鬆心情...由其老公唔係身邊..好易少少野諗埋一邊唔開心 = =" Hormones!!
我估因為咁..所以個個都話我先唔"似"有左Baby...