婚前同居生活

卒之都係忍唔住手~~~好耐無寫blog喇.. 看見其他準新娘的blog,真的大開眼介... (同埋好有用呀!!)所以我都想上黎分享下~記低自己既事之外~同埋識下其他準新娘~^^

等我簡單d講下我呢家既情況啦~

不過因為好多因數..由今年8月決定下年3月結婚...準備時間都唔多(10月起又唔係香港)
搵酒店都攪左成3個星期~~ 10月過左黎北京...岩岩先至settle 同適應~之前真係高估左自己既適應力~

其實同肥仔甘多年..都一齊生活左好耐...第一次"同居"完全無咩問題~~~

不過上左黎..有時間都會睇下結婚既野..做下research 同埋plan定番到HK有咩要拿拿林攪埋佢... (我1月番HK..攪埋wedding d 野...肥仔就2月番一番黎過年...3月再番黎結婚)

所以由呢家同1月我都搵下我有咩可以做到住...但問題係呢到想搵自己要既野都唔係真係甘易...好似無咩時間..好多野想做...不過我都會加把勁!去為我既大日子努力~~

P.S.之前個個都話我過黎係唔洗做..做少奶奶..其實我都好忙架..無番工既日子真係唔係好慣....同埋都唔係好慣買咩都係肥仔比$....以為好"爽"..其實都係真係唔係好慣...結左婚一定要搵工!