今日10am 起身食左塊Toast 就出門口喇~
大家產檢都知道, 先去磅重, 驗尿, 量血壓, 再等叫名 聽心跳同度肚,再等叫名, 之後見姑娘/醫生,然後約下一次產檢時間.
我度完肚之後就座係到等見姑娘..點知座座下好鬼暈..即刻灘半個身左係人地d"登"到一陣..起身..都仲係好暈..頂唔順,成個人連腳訓上去, 過左一陣有2姑娘走黎問我有無事,有事要同佢地講,比張床我訓..唔好咁樣訓係到. 我都話無事..我自己諗住灘一灘就ok~點知見姑娘果時..姑娘問左我2句我已經成眼雪花..伏左係佢面前...
姑娘大為緊張..即刻叫人拎張輪椅推我房訓,我話自己行..佢都話叫我唔好郁好D..推到埋床邊果刻我聽唔到D 姑娘講咩tim..只係全部雪花..跟住好少少我先起身上張床.(我果時聽到起馬有3-4個人係到幫手)之後幫我check 血壓, 話咩40 唔怪得暈啦...聽到佢地勁講D術語, 又check 我脈搏又篤手指,check血糖 (嚇死我,以為要打針,我係到問,係唔係要打針)
又叫左醫生過黎..問我有無食野呀..有咩問題..etc (我仲要比起2個星期前,輕左1kg~要食番多d 野先得喇)
其實我都係講我唔夠訓..因為身痕訓唔到..我話之前開果d 藥同埋cream 都無用..佢話今次再開D潤 cream 比我~
佢地4.5 個人攪到我有d "受寵若驚" (係唔係應該咁講呢) 因為我知自己無咩...佢地好好又好溫柔,又叫我飲D 水, 又叫我小心唔好轉身, 又隔15min 同我度血壓,又搵枕頭同我"Long" 高對腳, 有個姑娘仲周不時撥下我D頭髮~話..睇下: 塊面青晒,口唇又乾..攪到我自己都覺得自己好似真係好慘咁~ 平時好少人會對我咁溫柔~
佢地叫我搵老公/屋企人黎接我走..佢地一直都有個醫生係到, 要量血壓量到升番正常先比我走, 之後我亞媽過左黎車我番屋企~番屋企食D 野,訓左陣就好好多喇~
今日攪到好大件事咁....第一次座輪椅..D輪椅咁細張既..我都唔叫大份..座落去都係岩岩好咋~哈哈~
多多保重呀。我的手痛到快癲了，也是睡不到，我好明那苦況。終點在望，大家都努力呀！
回覆刪除[版主回覆02/16/2012 19:55:21]係呀!一齊努力~
你好叻呀!經過左咁多~~ 比起你,我果D真係少事~~為你祈禱呀~~^^
原來我地產檢既程序係唔同個喎, 我地係量血壓, 之後磅重驗小便, 入房就見醫生, 度肚聽心跳一次過
回覆刪除佢地有冇話點解血壓會咁低?小心d呀, 好快完成任務架喇~
[小藍回覆02/16/2012 21:27:08]啊~你意思係去醫院既程序同我一樣~我以為你話同我同一間醫院~~
[版主回覆02/16/2012 21:20:58]唔係呀, 如果我去PMH 都係, 量血壓, 之後磅重驗小便, 入房就見醫生, 度肚聽心跳一次過~ 無咩野就transfer 我去健康院check, 唔洗下下寺PMH.
[小藍回覆02/16/2012 20:10:44]醫院同我一樣?廣華唔係冇駁健康院既咩??
[版主回覆02/16/2012 19:56:20]係呀..我係健康院..醫院就同你一樣, 不過醫院等耐好多~~ >.<
無問呀, 不過我唔夠訓係會暈架..
血壓低??? 你要小心D...今次係醫院咁樣..有E生護士即刻幫你...
回覆刪除[版主回覆02/21/2012 03:35:15]係呀..應該係我唔夠訓..成日都痕到訓得唔好~
你呢篇睇到我都緊張埋, 健康院啲姑娘醫生好好啊!
回覆刪除你小心啲身體, 食多啲野...!!加油加油~~
[版主回覆02/21/2012 03:35:48]係呀~佢地真係好好..希望我生果時都會遇到好既姑娘醫生~~
take care ar........ BB出左世仲要你照顧 你要食返多d野 養好身子呀
回覆刪除[版主回覆02/21/2012 03:36:18]係呀~我呢家盡諒都食多D訓多D~~